قال وائل أمين، مدير عام رولز-رويس فإن سيارات العلامة ي مصر ستخضع لمعايير صارمة تضمن التفرد الكامل منذ اللحظة الأولى، مشددًا على أن شركته لا تعمل كوكيل تقليدي، بل كممثل لتجربة استثنائية تحمل توقيع واحدة من أعرق علامات السيارات في العالم.

وأضاف في تصريحات خاصة لعدد من الصحفيين المتخصصين فى السيارات: "أي عميل بيحتاج يشتري رولز-رويس لازم يدخل على السيستم ويقدم طلب رسمي إحنا بنسميه (فرصة)، وبيحدد كل المواصفات اللي عايزها. من اللحظة دي، بتدخل بياناته على نظام رولز-رويس العالمي، والعملية بتبدأ بشكل مخصص تمامًا."

وأشار أمين  إلى أن الشركة قامت باختيار فريق متخصص في خدمات البيع وما بعد البيع على أعلى مستوى، موضحًا: "خدمة ما بعد البيع عندنا مش زي أي خدمة في أي مكان تاني. إحنا عندنا بيانات كل عميل، نوع عربياتهم، موديلاتها، ومكونات كل سيارة. أي جزء بيحتاج صيانة بيتسجل وبيتعمله أوردر مسبق، بحيث لما ييجي معاده نكون جاهزين تمامًا."

وشدد على أن فلسفة رولز-رويس في السوق المصرية تركز على تقديم تجربة استثنائية تعكس شخصية كل عميل، وليس مجرد عملية بيع وشراء: "اللي بيشتري رولز-رويس مش بيدور على عربية، بيدور على تجربة كاملة بتليق باسمه وتاريخه. وده اللي إحنا بنبنيه من أول خطوة."

وكانت رولز-رويس موتور كارز الشرق الأوسط وأفريقيا قد أعلنت مؤخرًا عن تعيين "أي دي إم مصر" وكيلاً معتمدًا لها في القاهرة، في خطوة تاريخية تُدخل العلامة البريطانية رسميًا إلى السوق المصري لأول مرة منذ أكثر من قرن.

ومن المقرر أن تبدأ عمليات "رولز-رويس موتور كارز القاهرة" من خلال مركز مؤقت بمنطقة بارك ستريت إيست بالتجمع الخامس في سبتمبر المقبل، تمهيدًا لافتتاح صالة عرض حصرية تمثل هوية رولز-رويس الجديدة، في مطلع عام 2026.