موضوع مهم عند ناس كتير ..خصوصاً إخوتي وأصحابي الشباب، وهو موضوع الزجاج الملون .. أو الفيميه..كتير بنشوف عربيات زجاجها ملون .. أو علي زجاجها ملصق ملون بعضها على الزجاج الخلفي والنوافذ الخلفية.. بعضها غامق وبعضها فاتح.. بعضها حاجب للرؤيا وبعضها عاكس.. بعضها آمن في الاستخدام والقيادة .. وبعضها يتعارض مع القيادة الآمنة.. علشان كده هنحاول إننا نوضح الموضوع ده .. ونزيل بعض اللبس واللغط الي فيه .. والي بيهم كتير من اخواتي واصحابي الشباب من جوانبه المختلفه .. هنتناول في اكتر من بوست موضوع الفيميه والتفييم بين السماحية والحظر والخطورة.
أيه مشكله الفيميه .. البعض بيحتاجه علشان يخفف من أشعة الشمس وحرارتها .. وطبعاً احنا في الصيف بتكون أشعه الشمس شديده .. والبعض علشان يحقق درجة من الخصوصية داخل السيارة .. وطبعاً احنا واخدين بالنا من هواة تتبع الناس بالنظر وحب الاستطلاع .. والبعض لإعتبارات تتعلق بالامان .. ..يعني الناس اللي ممكن يكونوا معروفين او بحكم وظيفتهم ولبسهم. .. والبعض بيضعه للتباهي .. والبعض محاكاة ونوع من اعتقاد الوجاهة أو التشبه .. فيه كمان ناس علشان أغراض أخرى غير مشروعه أوغير بريئة .. .. واعتقد حضرتكم فاهمين انا أقصد ايه .. طيب ايه اشكال الفيميه والفرق بينه وبين التفييم .. فيه بعض السيارات بيكون الزجاج الخلفي والجانبي الخلفي ملون من الفابريقه .. يعني المصنع .. بعض قائدي السيارات بيضعوا ملصق فيميه .. داكن أو متوسط أو خفيف .. بعضههم بيحطو على الزجاج الخلفي والنوافذ الخلفيه .. وبعضها بيمتد للنوافذ الأمامية ..وللأسف أحياناً البعض بيخفي كل زجاج السيارة ..بعض تراخيص السيارات مثبت فيها الزجاج الملون ..وبعضها غير مثبت .... بعضها بطرق مشروعه وبعضها بطرق أخرى .. بعض السيارات يضبط وبعضها لا يضبط .. لسبب أو لآخر.. علشان كده وهي إشكالية متعددة الجوانب ..هنحاول نستعرض جوانبها المختلفه .في بوستات تاليه .. ارسلوا لنا وسنجيب على كل اسئلتكم
