الدكتور كريم النحاس يكتب: كيف تختارين ملابس القيادة المناسبة في رمضان

7 مايو 2020

كريم النحاس

تغيير حجم الخط

كل سنة وأنت طيبة. النهار دا حنكمل موضوع الحلقة اللي فاتت، ازاي نتجنب الجفاف وضربات الشمس واحنا سايقين في الصيام من خلال اختيارنا للملابس المناسبة للقيادة في أجواءنا الحارة.

 

أولا: الأولية للملابس القطنية والكتان، لأن القطن والكتان مواد طبيعية نسيجها بسيط ورقيق على البشرة، ولا تسبب التهابات للجلد أو حساسية، غير إنها بتمتتص العرق، على عكس معظم الأقمشة و الالياف الصناعية اللي كتير بتسبب التهابات جلدية و حكاك (هرش)، و مش بتمتص العرق، و دا بيسبب احتباس الحرارة في جسمنا، وبيزيد شعورنا بالحرارة و الرطوبة.

 

ثانيا: اختيار الألوان، و في الصيف الألوان الفاتحة هي اللي بتكسب، لانها بتعكس أشعة الشمس و مش بتمتص الحرارة، على عكس الألوان الغامقة اللي بتمتص الحرارة. دا غير التأثير النفسي للألوان الفاتحة المرتبطة بالتفاؤل و السعادة، و دا بيولد طاقة إيجابية بتقلل التوتر.

 

وفي مهرجان الألوان، الأزرق و الأخضر الفاتح والأصفر و الوردي دائماً في المقدمة. وطبعا الستات مايتوصوش في الألوان الجميلة!

 

ثالثا: الملابس الطويلة والمريحة بتكون الأفضل لأنها بتغطي الجلد وتحميه من أشعة الشمس و أضرارها.

 

و من الاخر، ابسط اختيار عملي هو قميص قطن ابيض طويل، حيستوفي كل الشروط، و شكله شيك!

 

ونتقابل في الحلقة القادمة إن شاء الله

 

بقلم: د. كريم النحاس

مدرس و استشاري أمراض النساء والتوليد بالمركز القومي للبحوث

 

الأكثر قراءة

جميع حقوق النشر محفوظة لدى مؤسسة الأهرام، ويحظر نشر أو توزيع أو طبع أي مادة دون إذن مسبق من مؤسسة الأهرام
>