كابتن " كريم " يشهر مطوه ويسرق فتاه اثناء توصيلها والشركه ترد نأسف لإزعاجك

سماح زياد 13 سبتمبر 2018

[كابتن " كريم " يشهر مطوه ويسرق فتاه اثناء توصيلها والشركه ترد نأسف لإزعاجك]

تغيير حجم الخط

قامت احدى الفتيات بنشر تجربتها على وسائل التواصل الاجتماعى وعلى جروبات الفتيات بعد ان تعرضت لسرقة بالاكراه من قبل سائق خدمة توصيل شركة "كريم" حيث كتبت: "انا دينا السيد مش منقول .. السبت ١/٩/٢٠١٨ الساعه تلاتة وتلت طلبت من الابليكشن الخاص بكريم رحلة لتوصيلي في منطقة التجمع الخامس ..اتعرضت لسرقة بالاكراه بالتهديد من الكابتن وسرق شنطتي ومحتوياتها من فلوس وكارنيهات والبطاقه" وكان نص مانشرته على صفحتها وتداوله رواد التواصل الاجتماعى كالتالى: مكنتش اتخيل اني أعيش تجربة من اللي بسمع عنهم في الفيس لكن واضح ان ده بقي واقع مر بنعيشه . شركة كريم اللي الواحد اعطاها ثقة مطلقة .. كانت رحلة قصيرة بغرض توصيلى للتجمع من قبل سائق "كريم" فضل يلف ويدور ف المكان واستغل اني مش عرفه المكان فين بالظبط لمدة اكتر من عشرين دقيقة رغم ان المشوار بسيط اخد موبايلي مني عشان ةيشوف اللوكيشن المبعوت ليا من الواتس وانا مكنتش مدية خوانة ولغي اصلا الرحلة من عنده .. لما قولتله هات الموبايل اخدته منه اكلم الناس اللي رايحلهم فضل يلف تاني قولتله خلاص نزلني ااقرب مكان اركب منه لرمسيس راح وقف العربية و قفل اللوك بتاع العربية ولاقيته مطلع زي مطواة وقالي اخرسي منظره كان مرعب انا وصرخت صريخ هستيري راح فاتح الباب وقالي غوري وهو بيشتم وخد اشنطة وطار وانا نزلت وفي ايدي الموبايل وده لطف من ربنا .. صرخت والناس اتلمت ومحدش لحقه .. انا عملت محضر بالواقعه قي قسم التجمع رقم المحضر 7741 قسم شرطة أول التجمع الغريب بقي .. الشركة واحنا في القسم مدتناش ببانات الكابتن بتقول مش اختصاصنا معرفش غير ان اسمه محمد عطية !!!! هل مستني اختصاصاك لما يقتلني مثلا. هل ترويع الناس والنصب ده من اختصاص مين !! انا هقاضي الشركة دي واتمني اي حد اتعرض لموقف زي ده مبسكتش ابدا .. وكل بنت خلي بالك الف مرة وركزي وحد يتابع معاكي .. وشركة كريم دي انا مفيش حاجة هتعوضني عن الفزع والرعب اللي عشته .. انا عايشة في كابوس وذعر ومش بنام .... هل ده جزاء الثقة اللي افترضناها معاكم .. هل يتم عمل فيش وتشبيه للسائق .. هل تحول المشروع اللي كان بالنسبة لي وللاسر طفرة في مصر كوسيلة مواصلات امنة ومحترمة وراقيه لمشروع تجاري وبيزنس اي واحد ببطاقته بركب عربية مش ملكه .. هل تكرار هذه الحوادث في شهور قليلة وكلها موثقة بمحاضررسمية .. يدل علي استهتار غبر عادي ب ارواح الناس .. .. حسبي الله ونعم الوكيل . وفى النهاية طلبت من اصدقائها يعملوا شير للبوست "ارجوكم شير للبوست ده اللي بعرفني او ميعرفنيش ." ومن العجيب ان الشركة ردت على الفتاه بالاعتذار عن الازعاج, وكان رد الفتاه انها تعرضت للخطر وهو اكبر بكثير من كلمة ازعاج.

جميع حقوق النشر محفوظة لدى مؤسسة الأهرام، ويحظر نشر أو توزيع أو طبع أي مادة دون إذن مسبق من مؤسسة الأهرام
>