غرائب «أوبر» في مصر.. سائق مثير للشكوك يعاقب راكبة بطريقة لا تصدق

سماح زياد 18 مارس 2017

خدمة أوبر

تغيير حجم الخط

تلقت «الأهرام أوتو» رسالة من متابعتنا «كارول كاميل» تحكي قصة غريبة مع خدمة استدعاء السيارات عبر الإنترنت «أوبر»، وتطلب المساعدة في المشكلة التي تسبب فيها السائق الذي قرر عقابها على رفضها الركوب معه، رغم إثارته للشكوك.

 

تقول كارول «عملت requestفي خدمة أوبر وظهر لي بيانات سائق اسمه عمر عربيته Geely Emgrandرقمها (........)، المهم اتصلت ع الرقم الموجود مغلق،، دقايق واتصل رقم باسم Ali Hassanغير صورته قالي أنا واقف قدام الجامع سألته لون العربيه ايه قالي حمرا وقفلت ، نزلت ملقتش عربيه ، شويه وعربيه متفيمه وقفت قدامي وأرقامها غير الأرقام،، وقفت ع جنب ع أساس أنه مش هو، لما مركبتش نادي بصوت عالي أوبر؟ ونزلي.. قولتله بس دي مش العربيه اللي موجودة في الأبلكيشن.. قالي لأ ده علشان الركويست جالي ع الموبايل التاني وفصل شحن قولتله ايه علاقة العربية دي غير دي!  المهم قلتله هكنسل الرحلة قالي أنا الموبايل فاصل قولتله لا هكنسل الرحلة .. قالي براحتك.

سبته وبعدت عن العربيه بحاول اكنسل الرحلة مش راضي ف نادي بصوت عالي ويكلكس ويقولي "ايه ما تكنسلي الرحله" سبته و عديت الجنب التاني ولسه بحاول اكنسل الرحلة لقيته بيركن عربيته وجايلي!

شاورتله من بعيد انا بكنسلها أركب عربيتك واتفضل .

 ومشيت بعيد عنه أخدت بالي إن الرحلة هو بدأها من عنده ولازم هو اللي يلغي.

اتصلت ع الرقم اللي كلمني منه قولتله كنسل الرحله قالي ليه يعني تتحسب عليا ١٠ جنيه ما تكنسليها أنتي!.. قولتله أنت بدأت الرحلة لازم تتكنسل من عندك قالي لا أنا فلوسي كتير مش فارقه معايا خليكي متعلقة كده وقفل السكه !..حاليا الرحلة شغالة ولا نافع تتكنسل ولا عارفه أطلب غيرها!.. وهو انا مفروض اتطمن واركب أزاي بعد المواقف دي ! ليه مفيش رقابه من الشركة ع اللي بيشتغلوا فيها».

 

نرجو من شركة اوبر الرد علي هذه الشكوي التي قد تكون فردية ولكنها حدثت. الأرقام والأسماء لدي الموقع.. وأخيرا كل احترام وتقدير لهذه الشركة الكبيرة وفي انتظار الرد. 

 

جميع حقوق النشر محفوظة لدى مؤسسة الأهرام، ويحظر نشر أو توزيع أو طبع أي مادة دون إذن مسبق من مؤسسة الأهرام
>